ದಿನಾಂಕ 9-12-2023 ರಂದು ಶ್ರೀ ರಾಮಕೃಷ್ಣ ಆಶ್ರಮ ಬಸವನಗುಡಿ ಇಲ್ಲಿಗೆ ನಮ್ಮ 50 ಎನ್. ಎಸ್.ಎಸ್ ವಿದ್ಯಾರ್ಥಿಗಳನ್ನು ಕರೆದೊಯ್ಯಲಾಗಿತ್ತು. ಮೊದಲ ಒಂದು ಗಂಟೆ ಆಶ್ರಮದ ಬಗ್ಗೆ ಪರಿಸರ, ಆಶ್ರಮದ ಉದ್ದೇಶ ಕಾರ್ಯಾಚರಣೆ ಕಾರ್ಯ ಚಟುವಟಿಕೆಗಳ ಬಗ್ಗೆ ವಿವರಿಸಲಾಯಿತು ನಂತರ ವಾರ್ಡನ್ ಸ್ವಾಮೀಜಿಯವರಾದ ಪರಮಪೂಜ್ಯ ತದ್ಯುಕ್ತಾನಂದಜಿ  ಮಹಾರಾಜ್ ಅವರು ವಿದ್ಯಾರ್ಥಿಗಳನ್ನು ಕುರಿತು ಮಾತನಾಡಿ ಶಿಕ್ಷಣದ ಮಹತ್ವ ಸೇವೆ ಮತ್ತು ನೈತಿಕ ಮೌಲ್ಯಗಳ ಬಗ್ಗೆ ವಿವರಿಸಿದರು ನಂತರ ಮೂರು ಗಂಟೆಗಳ ಕಾಲ ಎನ್.ಎಸ್.ಎಸ್ ವಿದ್ಯಾರ್ಥಿಗಳಿಂದ ಶ್ರಮದಾನ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಶಮದಾನ ಮುಗಿದ ಮೇಲೆ ಪ್ರಸಾದವನ್ನು ಸ್ವೀಕರಿಸಿ ಅಲ್ಲಿಂದ ಮಧ್ಯಾಹ್ನ 2:30 ಗಂಟೆಗೆ ತೆರಳಲಾಯಿತು. ದೈಹಿಕ ಶಿಕ್ಷಣ ನಿರ್ದೇಶಕರಾದ ಶ್ರೀನಿವಾಸ್ ಕೆ ಮತ್ತು ಇತಿಹಾಸ ಸಹ ಪ್ರಾಧ್ಯಾಪಕರಾದ ಡಾ. ಮಂಜುಳಾ ವಿ.ಕೆ. ಹಾಗೂ ಕಾರ್ಯಕ್ರಮಾಧಿಕಾರಿ ಡಾ. ಕೆ.ಮಲ್ಲಿಕಾರ್ಜುನ ಭಾಗವಹಿಸಿ, ನಿರ್ವಹಿಸಿದರು.